Ներկայացվել է աշխարհի ամենաթեթև ուլտրաբուքը

Թայվանական Gigabyte Technology ներկայացրել է իր X11 նոութբուքը, որը կշռում է ընդամենը 975 գրամ։ Այս համակարգչի մասին խոսվում է ընկերության մամուլի հաղորդագրության մեջ։ Ընկերությունը տեղեկացնում է, որ սարքն ամենաթեթևն է աշխարհում 11.6 մատնաչափ էկրանով համակարգիչների շարքում։ Իր բազմաթիվ հատկանիշներով այս համակարգիչն ավելի համապատասխանում է ուլտրաբուքերի դասին։

X11-ի պատյանը պատրաստված է ածխածնային մանրաթելից։ Էկրանի լուծունակությունն է 1366x768 կետ։ Համակարգիրն օգտագործում է Ivy Bridge պրոցեսոր, ունի 4 գիգաբայթ օպերատիվ հիշողություն և համալրված է 128 ԳԲ SSD-կուտակիչով։

Նոութբուքն ունի հարակից սարքերի միացման բոլոր հնավարությունները (USB, DisplayPort, Bluetooth, WiFi, microSD) և աշխատում է Windows 7 օպերացիոն համակարգով։ Դրա գինը կկազմի 999-1299 դոլար ըստ համալրման պարամետրերի։ Այն վաճառքի կհանվի 2012-ի հուլիսից։

Այս համակարգչի հիմնական մրցակիցը կլինի Asus Zenbook UX21E-ը 1.1 կգ քաշով և 11.6 մատնաչափ էկրանով։