Warner Brothers կինոկոնցեռնի նախկին տնօրենը կդառնա Walt Disney կինոընկերության նախագահ

Warner Bros. Entertainment կինոստուդիայի նախկին տնօրեն Ալան Հորնը (alan Horn) նշանակվել է Walt Disney Studios-ի նախագահ։ Վերջինս Walt Disney Company-ի մի բաժանմունքն է, որը զբաղվում է կինֆոլիմերի արտադրությամբ։ Այս մասին հաղորդվում է մեդիաընկերության մամուլի հաղորդագրության մեջ։

Հորնն աշխատանքի կանցնի հունիսի 11-ից։ The Walt Disney կինոբաժնի նախկին տնօրեն Ռիչ Ռոսը (Rich Ross) ապրիլի վերջին հրաժարական է տվել Էնդրյու Սթենթոնի «Ջոն Քարթեր» ֆիլմի տապալումից հետո։

Վերջինիս բյուջեն կազմել է մոտ 250 միլիոն դոլար, իսկ գովազդի վրա ծախսվել է ևս 100 միլիոն։ Համաշխարհային դիմտումներում այն հավաքել է ընդամենը 269 միլիոն և կինոքննադատների կողմից ստացել առավելապես բացասական գնահատականներ։ 2012-ի առաջին քառորդի արդյունքներով, ընկերությունը 84 միլիոն դոլարի վնաս է կրել։

Ռոսսի վարկանիշը մթագնել են նաև Սայմոն Ուելսի «Կարմիր մոլորակի գաղտնիքը» և 2010-ի՝ կրկին իր ծախսերը չարդարացրած «Պարսկաստանի արքայազնը» և «Կախարդի աշակերտը» ֆիլմերը։ Միևնույն ժամանակ, «Վրիժառուները», թողարկված The Walt Disney Studios-ի կողմից, դարձել է ամենաշահութաբերներից մեկը՝ տվյալ պահի դրությամբ հավաքելով 1.3 միլիարդ դոլար։

Ալան Հորմը հայտնի է նաև որպես Հոլիվուդի ամենավճարվող մենեջերներից մեկը։ Նա մասնակցել է այնպիսի ֆիլմերի ստեղծմանն, ինչպիսիք են «Հարրի Փոթերը» և «Մութ ասպետը»։ Մինչև Warner Bros ընկերություն գալը նա ղեկավարում էր Castle Rock Entertainment-ը, ուր իր ղեկավարությամբ թողարկվել են «Փախուստ Շոուշենքից» և մի քանի այլ հայտնի ֆիլմեր։