Ադրբեջանական հենակետից արձակված կրակոցի հետևանքով կա վիրավոր

Հունիսի 1-ին, ժամը 8.15-ին, Բերդի հոսպիտալից ոստիկանության Տավուշի բաժին հաղորդում է ստացվել, որ աջ ազդրի միջանցիկ հրազենային վիրավորումով իրենց մոտ է տեղափոխվել Ներքին Կարմիրաղբյուր գյուղի բնակիչ, 1960-ին ծնված Վ. Մելքումյանը:

ՀՀ ոստիկանությունից հայտնում են, որ մեկնած օպերատիվ խումբը պարզել է, որ Մելքումյանը նշված վնասվածքը ստացել է նույն օրը, ժամը 7.00-ի սահմաններում, նշված գյուղի խաղողի այգում աշխատելիս՝ ադրբեջանական հենակետից արձակված կրակոցից:

Նշանակվել է դատաբժշկական փորձաքննություն:

Քննչական բաժանմունքում նյութեր են նախապատրաստվում: