Ռուսաստանում հաշվվում է 686 մուլտիմիլիոնատեր

Ռուսաստանը չորրորդ տեղն է զբաղեցրել մուլտիմիլիոնատերների ամենամեծ քանակն ունեցող երկրների շարքում։ Այս մասին ասվում է Boston Consulting Group-ի տարեկան հաշվետվության մեջ՝ նվիրված մոլորակի ամենահարուստ մարդկանց ֆինանսական վիճակին։

Փորձագետների հաշվարկով՝ Ռուսաստանում կա 686 տնատնտեություն, որոնք կառավարում են 100 միլիոն դոլարից ավելի ակտիվներով։ Այս ցուցակում առաջինը ԱՄՆ-ն է 2989 ցուցանիշով, երկրորդը՝ Մեծ Բրիտանիան (1125)։ Երրորդ տեղում, ինչպես և անցյալ տարի, Գերմանիան է (807), իսկ հինգերորդ տեղում է Չինաստանը՝ 648 ցուցանիշով։

Ռուսաստանը նաև զբաղեցնում է մուլտիմիլիոնատերների աճի ցուցանիշով առաջնային տեղերից մեկը. դրանց քանակությունը տարվա ընթացքում ավելացել է 13 տոկոսով։ Համեմատության համար նշենք, որ աշխարհի մասշտաբող այդ թիվը կազմում է 3.6 տոկոս։

Boston Consulting Group-ը ներկայացրել է նաև «սովորական» միլիոնատերների ռեյտինգը։ Ռուսաստանն այդ ցուցակի առաջին 15 հորիզոնականներից դուրս է, իսկ առաջին տեղում ինչպես միշտ ԱՄՆ-ն է 5.1 միլիոն միլիոնատերերով։ Երկրորդ տեղում է Ճապոնիան (1.5 միլիոն), երրորդում՝ Չինաստանը (1.4 միլիոն)։ Ընդ որում, ԱՄՆ-ում և Ճապոնիայում դրանց քանակը նվազել է, Չինաստանում՝ աճել։