Աֆղանստանում 7 մարդ է զոհվել ՆԱՏՕ–ի բազայում տեղի ունեցած պայթյունի պատճառով

Պայթյուն է տեղի ունեցել Աֆղանստանի Հոսթ քաղաքում գտնվող ՆԱՏՕ–ի ռազմաբազայում, որի պատճառով զոհվել է 7 մարդ, վիրավորվել՝ 13–ը, հաղորդում է France-Presse–ը՝ վկայակոչելով տեղի անվտանգության ծառայության իր աղբյուրներին։ 

Ոստիկանության տեղեկություններով, պայթյունն իրագործվել է մահապարտ ահաբեկչի կողմից։ 

Ահաբեկիչը պայթուցիկ նյութերով լցված բեռնատարով հատել է ռազմաբազայի առաջին անցակետը, որից հետո պայթել է մեքենան։

Հիշեցնենք, որ մայիսի 19–ին մահապարտ ահաբեկչի կողմից ոստիկանական հսկիչ–անցագրային տեղամասում իրականացրած պայթյունի պատճառով սպանվել էր 13 մարդ։