Սիրիայի իշխանությունն ազատ է արձակել ավելի քան 200 կալանավորի

Սիրիայի իշխանությունը ուրբաթ օրն ազատ է արձակել 223 կալանավորի, հաղորդում է Reuters–ը՝ վկայակոչելով ՄԱԿ–ի դիտորդներին։ Ընդգծվոմ է, որ 210 մարդ ազատ է արձակվել Դամասկոսում և 13 մարդ Դերա՛ա քաղաքում։ 

Միևնույն ժամանակ, Սիրիայի պետական հեռուստաընկերության ուղիղ եթերում հաղորդվել է, որ հինգշաբթի բանտերից ազատ է արձակվել 500 մարդ, որոնք ձերբակալվել էին անկարգությունների ընթացքում։ ՄԱԿ–ի նեկայացուցիչն այդ առնչությամբ լրագրողներին հայտնել է, որ դիրտորդներն այս պահի դրությամբ որևէ հնարավարություն չունեն այդ տեղեկությունը ճշտելու։ 

Համաձայն ՄԱԿ–ի տվյալների և իրավապաշտպան կազմակերպությունների տեղեկությունների, Սիրիայի բոլոր գաղտնի բանտերում պահվում է 10-13 հազար կալանավոր։ 

Միևնույն ժամանակ, ուրբաթ ՄԱԿ–ի մարդու իրավունքների խորհուրդը Սիրիայի Հուլա քաղաքում տեղի ունեցած սպանությունների վերաբերյալ ինքնուրույն հետաքննություն անցկացնելու բանաձև է ընդունել։

Հիշեցնենք, որ Սիրիայի կառավարական զորքերի և Բաշար Ասադի ռեժիմի դեմ պայքարողների միջև բախումները սկսվել է 2011–ի մարտից։ Ըստ ՄԱԿ–ի վերջին տվյալների այդ ընթացքում զոհվել է ավելի քան 13 հազար մարդ։