Կանցկացվի Արամ Խաչատրյանի անվան 8-րդ մրցույթը «ջութակ» մասնագիտության համար

Երևանում հունիսի 6-13-ը կանցկացվի Արամ Խաչատրյանի անվան միջազգային 8-րդ երաժշտական մրցույթը՝ ՀՀ մշակույթի նախարարության, «Արամ Խաչատրյան-մրցույթ» մշակութային հիմնադրամի ու Կոմիտասի անվան Երեւանի պետական կոնսերվատորիայի համատեղ ջանքերով։ Մրցույթի հոգաբարձուների խորհրդի պատվավոր  նախագահն է ՀՀ առաջին տիկին Ռիտա Սարգսյանը։

Մրցույթն այս տարի բաց է «ջութակ» մասնագիտության համար։ Լինելու են մասնակիցներ Վրաստանից, Ճապոնիայից, Ռուսաստանից, Մոլդովայից, Ուկրաինայից, Բելառուսից, Չինաստանից, Կորեայից, Կոլումբիայից, Լեհաստանից, Իտալիայից, Իսպանիայից, Ղազախստանից, ԱՄՆ-ից, Մեծ Բրիտանիայից, Ֆրանսիայից:

Մրցույթի հոգաբարձուների խորհրդում ընդգրկված են համաշխարհային հռչակ վայելող մասնագետներ՝ պրոֆեսոր Ջոնաթան Ֆրիման-Էթվուդը, պրոֆեսոր Ռեյնգարդ Ֆոն Գութզեյթը, պրոֆեսոր Ալեքսանդր Սոկոլովը, պրոֆեսոր Ալեքսանդր Չայկովսկին, Պավել Կոգանը, Էլիժբիետա եւ Քշիշտոֆֆ Պենդերեցկիները, Վալերի Գերգիեւը, կոմպոզիտոր Ռոբերտ Ամիրխանյանը, Միխայիլ Շվիդկոյը,  կոմպոզիտոր Էդուարդ Միրզոյանը, նշանավոր այլ անձինք:

Արամ Խաչատրյանի անվան միջազգային մրցույթի կազմկոմիտեն «ջութակ» մասնագիտության համար սահմանել է հետեւյալ մրցանակները'

1-ին մրցանակ' 15000 ԱՄՆ դոլար եւ դափնեկրի դիպլոմ

2-րդ մրցանակ' 10000 ԱՄՆ դոլար եւ դափնեկրի դիպլոմ

3-րդ մրցանակ' 5000 ԱՄՆ դոլար եւ դափնեկրի դիպլոմ: