Իրանի դեմ ԱՄՆ–ի հարձակման դեպքում, Իրանը կհարվածի ԱՄՆ ռազմաբազաներին
Իրան
Իրանը հերթական անգամ ԱՄՆ–ին և Իսրայելին նախազգուշացրել է, որ համարժեք պատասխան կտա, եթե այդ երկրները հարձակում գործեն իր ռազմական օբյեկտների վրա, հաղորդում է Interfax–ը։
«ԱՄՆ–ի քաղաքական գործիչները և բարձրաստիճան զինվորականությունը լավ գիտի, որ տարածաշրջանում գտնվող իրենց բոլոր ռազմաբազաները գտնվում են իրանական հեռահար հրթիռների նշանակետի տակ», – ասել է իրանցի գեներալ Յահա Ռահիմ Սաֆավին։
Նա նաև հայտարարել է, որ իրանական հրթիռները կարող են հարվածել Իսրայելում գտնվող ցանկացած կարևոր նշանակության օբյեկտ։
«Նրանք կարող են հարձակում սկսել, սակայն չեն կարողանա այն ավարտին հասցնել, քանի որ ամեն ինչ գտնվում է Իրանի ձեռքում։ Նրանց կողմից հարձակման դեպքում մենք գործելու ենք խելամտորեն՝ համարժեք կորուստներ պատճառելով նրանց, որքան նրանք կկարողանան դա անել Իրանի դեմ ռազմական գործողություններում», – ավելացրել է գեներալը։
Ըստ մի շարք փորձագետների՝ Իրանի կողմից այս հայտարարությունն արվել է այն բանից հետո, երբ ԱՄՆ–ի մի շարք բարձրաստիճան պաշտոնյաներ հայտարարել են Իրանի միջուկային օբյեկտները հրթիռակոծելու պատրաստակամության մասին։
ՈՒՂԻՂ ԵԹԵՐ
Ամենադիտված 
Ալիևը հայտարարություն է արել սեպտեմբերի 27-ի կապակցությամբ
