Լիբանանում դադարեցվել են բախումները
Մերձավոր Արևելք
Լիբանանի հյուսիսային մայրաքաղաք Տրիպոլիում (գտնվում է Բեյրութից 90 կմ հեռավորության վրա) զորք և ռազմական տեխնիկա է կենտրոնացվել։ Լիբանանի բանակի գեներալ Ժան Կահվաջին հայտարարել է, որ 2 հազար զինծառայող է տեղափոխվել քաղաքի կենտրոնական թաղամասեր՝ Սիրիայում ստեղծված իրավիճակի կապակցությամբ տարբեր մոտեցումներ ունեցող կրոնական խմբավորումների միջև բախումները դադարեցնելու համար։
Ըստ բժիշկների՝ հերթական բախման պատճառով մեկ օրվա ընթացքում զոհվել է 14 մարդ, ևս տասնյակը՝ վիրավորվել։ Այսօր՝ օրվա երկրորդ կեսին, երբ զորքն ու ռազմական տեխնիկան կենտրոնացվել է քաղաքում, սուննի և ալեվի գրոհայինները դադարեցրել են փոխհրաձգությունը, և միայն հատուկենտ թաղամասերում են կրակոցներ հնչում, հաղորդում է Itar-Tass–ը։
Տրիպոլիում ռազմական ուժ կենտրոնացնելու պահանջը Լիբանանի իշխանություններին ներկայացրել էր Հյուսիսային Լիբանանի մուֆտի՝ շեյխ Մալեկ աշ–Շաարը։ Նա կոչ էր արել վերականգնել քաղաքի կարգուկանոնը և զինաթափել նրանց, որոնք փորձում են խաթարել երկրի հասարակական անդորրը և անվտանգությունը։
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
