Գարեջուրն օգտակար է առողջությանը. հետազոտություն

Դեյվիսի կալիֆորնիական գարեջրագործության պրոֆեսոր Չարլզ Բեմֆորտին ուսումնասիրություն է կատարել օրգանիզմի վրա գարեջրի ազդեցության առնչությամբ: Գիտական հետազոտությունը պարզել է, որ գարեջրի չափավոր օգտագործումը ոչ միայն վնաս չի կարող հասցնել օրզանիզմին, այլև օգտակար է առողջության համար: Տարածված կարծիքներից մեկի համաձայն՝ գարեջուրը գիրացնում է, սակայն մեկ գավաթ ծավալով գարեջրի մեջ պարունակող կիլոկալորիաները միայն 20 կիլոկալորիաներով են գերազանցում նույն չափաբաժնով գինու կիլոկալորիաներից: 

Բացի դրանից գարեջուրը պարունակում է B խմբի մի շարք վիտամիններ, և օգտակար նյութերի պարունակությամբ առաջին տեղում է ոգելիչ խմիչքների շարքում: Ավելին՝ գարեջուրն ավելի արագ է հագեցնում ծարավը, քան ջուրը: Այդ եզրահանգման են եկել Գրանադայի համալսարանի  իսպանացի գիտնականները: Նրանց հետազոտությունը ցույց է տվել, որ պարունակվող ածխաթթու գազերի շնորհիվ գարեջուրը լավ է հագեցնում ծարավը, ինչպես նաև այն պարունակում է կալիում, որը կանխում է օրգանիզմի ջրազրկումը: Էթանոլ նյութը, որը պարունակվում է խմիչքի փրփուրի մեջ դանդաղեցնում է ոսկորների բջիջների քայքայումը, իսկ սիլիցիումն օգնում է մեծացնել ոսկորների հանքային խտությունը: Գարեջուրը հարուստ է նաև դիետիկ մանրաթելերով, որոնք օդի պես անհրաժեշտ են օրգանիզմին, իսկ գարեջրի մեկ գավաթի մեջ պարունակվում է այդ նյութի օրական նորմայի 10%-ը, իսկ գարեջրի որոշ տեսակներում՝ 30%-ը: 

Իսկ նրանց, ովքեր զերծ են մնում ոգելից խմիչքների օգտագործումից, խորհուրդ է տրվում խմել ոչ ալկոհոլային գարեջուր, որն իր օգտակարությամբ համահավասար է սովորական գարեջրին: Իսպանացի գիտնականները խորհուրդ են տալիս մասնավորապես կերակրող մայրերին իրենց սննդակարգում ընդգրկել ոչ ալկոհոլային գարեջուր: