Ջորջ Սորոսը 3 ամիս ժամանակ է տվել եվրոն ճգնաժամից դուրս բերելու համար

Ջորջ Սորոսի կարծիքով Եվրոպային ընդամենը 3 ամիս ժամանակ է մնացել միասնական արժույթը (եվրոն) ճգնաժամից դուրս բերելու համար։ Այդ մասին հունիսի 3–ին Իտալիայի Տրենտո քաղաքում կայացած տնտեսական միջոցառման ընթացքում հայտարարել է աշխարհի ամենահարուստ և ամենաազդեցիկ մարդը, հաղորդում է MarketWatch–ը։

«Երեք ամսից շուկաները հոգնելու են սպասելուց։ Նրանք սկսելու են ավելի շատ պահանջնել, իսկ իշխանությունները չեն կարողանալու բավարարել նրանց պահանջները», – ասել է Սորոսը։

Մասնավորապես, միլիարդատերը կարծում է, որ աշնանը ակնհայտ կլինի Հունաստանի ճգնաժամի գագաթնակետը, իսկ հունիսի 17–ին կայանալիք պառլամենտական ընտրությունները կանցկացվի Եվրոգոտուց դուրս մնալու վախի մթնոլորտում և ի վերջո ընտրություններից հետո իշխանության եկած քաղաքական ուժերը ստիպված են կատարել պարտատերերի պահանջները։ Սորոսի խոսքերով, իշխանության եկած ցանկացած քաղաքական ուժ ի վիճակի չէ այդ պահանջները կատարել և աշնանը «ականատես կլինենք այդ երկրում ճգնաժամի գագաթնակետին»։

Բացի այդ, Սորոսը կանխատեսում է աշնանը Գերմանիայի տնտեսության անկմանը, որը «կանցլեր Անգելա Մերկելի համար շատ դժվար կլինի գերմանացիներին համոզել՝ նորից ինչ–որ եվրոպարտականություն վերցնել իրենց վրա»։

«Հավանակությունը մեծ է այնքանով, որ եվրոն կշարունակի բարձրանալ, քանի որ միասնական արժույթի փլուզումը բացասական ազդեցություն կունենա ոչ միայն եվրոգոտու ճգնաժամային երկրների վրա, այլև կազդի Գերմանիայի տնտեսության վրա», – ասել է նա։

Ըստ Սորոսի, Գերմանիայի իշխանությունն ամեն հնարավորը կանի եվրոն անկումից փրկելու համար. դա նրան դեռ չի հաջողվում։