Մոսկվայում անցկացվում է Ադրբեջանի և Հայաստանի ԶԼՄ-ների ղեկավարների հանդիպումը

Մոսկվայում ադրբեջանական և հայկական հասարակությունների մերձեցման հումանիտար նախաձեռնության շրջանակներում անցկացվում է Ադրբեջանի և Հայաստանի ԶԼՄ-ների ղեկավարների հանդիպում։

Հանդիպումը տեղի է ունենում «Ռոսիսկայա գազետա» պարբերականի խմբագրությունում՝ Ռուսաստանի նախագահի միջազգային մշակութային հարցերով հատուկ ներկայացուցիչ Միխաիլ Շվիդկոյի նախաձեռնությամբ։

Հայաստանից հանդիպմանը մասնակցում են Հայաստանի Հասարակայնության հետ կապերի ասոցիացիայի փորձագետ Արմեն Մինասյանը, տեղեկատվական անվտանգության ոլորտի փորձագետ, բլոգեր Սամվել Մարտիրոսյանը, «Առավոտ» թերի գլխավոր խմբագիրը, Հայաստանի նախագահի աշխատակազմի հասարակայնության հետ կապերի և տեղեկատվության կենտրոնի ղեկավար Արա Սաղաթելյանը, «Գոլոս Արմենիի» թերթի գլխավոր խմբագրի տեղակալ Մարինա Գրիգորյանը։

Հանդիպմանը Ադրբեջանից մասնակցում են News.Az տեղեկատվական պորտալի գլխավոր խմբագիր Էլնուր Բաիմովը, «Baku Post» թերթի գլխավոր խմբագիր Թոֆիգ Աբբասովը, 1news.az գործակալության գլխավոր խմբագիր Ռահման Հաջիևը, «Trend» տեղեկատվական գործակալության գլխավոր տնօրեն Իլգար Հուսեյնովը և լրագրող Ազեր Հասրաթը։

Հանդիպմանը մասնակցում են նաև՝ Ռուսաստանում Ադրբեջանի դեսպան Փոլադ Բյույբյուլօղլուն, Ռուսաստանում Հայաստանի դեսպան Օլեգ Եսայանը, ԱՊՀ-ի Միջպետական Հումանիտար Հիմնադրամի գործադիր տնօրեն Արմեն Սմբատյանը։

Այնուհետև հանդիպումը կշարունակվի Itar-Tass տեղեկատվական գործակալությունում: