Asus-ը ներկայացրել է Windows 8-ով աշխատող է պլանշետ-տրանսֆորմերը

Թայփեյում անցկացվող Computex ցուցահանդեսում Asus ընկերությունը ներկայացրել է իր Transformer Book ապրանքների տեսականին, որոնք աշխատում են Windows 8 համակարգող, ներկայցնենք Engadget։

Transformer Book-ը պլանշետային համակարգիչ է, որը նոութբուք է դառնում ստեղնաշարի միացմամբ։ Transformer-ները կվաճառվեն երեք տարբերակներով՝ 1920x1080 պիքսել լուծունակությամբ 11.6, 13 և 14 մատնաչափ էկրաններով։ Էկրանների մատրիցը պատրաստված է IPS տեխնոլոգիայով։

Սարքը կաշխատի Ivy Brigde Core i7 պրոցեսորներով։ Բացի մշտական հիշողությունից, սարքը հնարավոր կլինի համալրել SSD-կուտակիչով։ Այն կունենա 4GB DDR3 օպերատիվ հիշողություն։

Այն կունենա USB 3.0 հարակից պորտերով և երկու կամերաներով, որոնցիցմեկը նախատեսված կլինի տեսախոսակցությունների համար, մյուսը՝ հետին մակերևույթին՝ լուսանկարելու (5 մեգապիքսել)։

Տրանսֆորմերներից բացի Asus-ը ներկայացրել է նաև երկէկրան Taichi նոութբուքերը։ Վերջինիս էկրանները տեղադրված են պատյանի երկու կողմերում, որոնցից արտաքինը սենսորային է։ Այսպիսով, ինչպես և Transformer-ում, օգտատերը ստանում է «երկուսը՝ մեկում» սարք։

Հայտնի է, որ Taichi նոութբուքերը կունենան լուսավորվող ստեղնաշարեր։

Asus-ը սարքավորման ոչ արժեքի, ոչ էլ դրանց՝ վաճառքում հայտնվելու ժամկետների մասին հայտարարություն դեռ չի արել։ Այն 2011 թվականից արտադրում է տրանսֆորմեր սարքեր, սակայն դրանք բոլորն աշխատում էին ARM պրոցեսորներով և Android օպերացիոն համակարգով։