«Հրապարակ». Վայոց Ձորի մարզպետը պաշտոնից ազատվելու դիմում է գրել

ԲՀԿ նախարարները դեռ աշխատում են խելոք, իրենց աշխատասենյակներում նստած: Նրանք մինչև նոր նախարարների նշանակում պաշտոնակատարներ են, չնայած արդեն իսկ բոլորին «ցտեսություն» են ասել: Մայիսի 31-ին ԲՀԿ նախարարաց և մարզպետաց դասը «ցտեսություն» է ասել նաև երկրի նախագահին: Մոտ հինգ-տասը րոպե տևած հանդիպման ընթացքում ԲՀԿ վերին «դասը» շնորհակալություն է հայտնել Սերժ Սարգսյանին` համատեղ աշխատանքի համար, իր հերթին էլ նրանց շնորհակալ է եղել Սերժ Սարգսյանը` ասելով, դուք վատ աշխատողներ չեք եղել, գոհ եմ ձեզանից, բայց բոլորս պետք է համակերպվենք այս վիճակի հետ, որը քաղաքական թելադրանքով եղավ: Նախագահականից դուրս գալուց հետո Գեդարքունիքի մարզպետ Նվեր Պողոսյանը բախտակիցներին ասել է. պայմանավորվել եմ վարչապետի հետ, պետք է գնամ-հրաժարականիս դիմումը ներկայացնեմ: Սերգեյ Բագրատյանը` Վայոց ձորի մարզպետն էլ, թե` լավ, ես էլ երևիի հետդ գամ:

Բանն այն է, որ Բելառուսից վերադարձած Գագիկ Ծառուկյանը մայիսի 30-իե իր մոտ` «կանյաչնի» էր կանչել նաև ԲՀԿ նախարարներին ու մարզպետներին, ինքն էլ իր հերթին էր շնորհակալություն հայտնել նրանց` աշխատանքի համար, իսկ Սերգեյ Բագրատյանին դիմելով, ասել էր` կողմնորոշվի. մնո՞ւմ ես ԲՀԿ-ում, թե՞ չէ: Այնուհետև, երբ բոլորը գնացել էին, նա և Սերգեյ Բագրատյանը մնացել էին միայնակ: Ինչ էին խոսել` ոչ ոք չգիտեր: Կոլեգաները հանգիստ սրտով էին նրանց միայնակ թողել, որովհետև «կանյաչնիում» առյուծներ չկան. այնուհանդերձ, թերթը երեկ տեղեկացել է, որ, իսկապես, Սերգեյ Բագրատյանը մարզպետի պաշտոնից ազատվելու դիմում է գրել: