Ճանապարհային թափքը կվերածեն էլեկտրականության

Գերմանացի ինժեներները մշակել են էլաստոչափիչներ, որոնք ոչ միայն էֆեկտիվորեն կարող են մարել անցանկալի տատանումները, այլև դրա էներգիան վեր ածել էլեկտրականության։ Մշակման մասին ինֆորմացիան տրված է։

Ինժներների մշակումը հիմնված է էլեկտրաակտիվ պոլիմերների կիրառության վրա, որոնք փոխում են իրենց ձևը էլեկտրական հոսանքի ազդեցության ներքո։ Ռոբոտոտեխնիկայում դրանց օգտագործում են որպես գծային շարժիչներ։

Էլեկտրաակտիվ պոլիմերների հիմքի վրա հեղինակները ստեղծել են բազմաշերտ սարքավորում, որում հերթափոխվում են պոլիմերային շերտերն ու մետաղական էլեկտրոդները, որոնք կառավարում են պոլիմերի սեղմումն ու ընդարձակումը։ Երբ նման կառուցվածքը երբ ենթարկվում է տատանման, զգայուն սենսորները ակտիվացնում են պոլիմերը տատանմանը հակափուլ։ Արդյունքում տատանումները գրեթե ամբողջությամբ մարվում են այս՝ «ակտիվ էլաստոմեր» անվանումը ստացած սարքի միջոցով։

Հեղինակները ցույց են տվել, որ պասիվ ռեժիմում այդպիսի շերտավոր սարքը կարող է էներգիա արտադրել՝ կլանելով արտաքին տատանումները։ Արտադրված էներգիայի ծավալը մեծ չէ, բայց բավարար է որոշ տվիչների սնուցման համար, հատկապես նրանց, որոնք աշխատում են անկախ ռեժիմում, օրինակ՝ կամուրջների վրա տատանման տվիչները։

Ինժեներների համար սարքավորման ամենաբարդ էլեմենտները էլեկտրոդներն էին, որոնք պիտի ունակ լինեն դիմակայելու բազմաթիվ ճկումներին։ Այս խնդիրն ամենալավ կերպով լուծում են բարակ մետաղական շերտերը։

Ինժեներները հույս ունեն, որ ստացված սարքերը կիրառություն կգտնեն ավտոմեքենաներում ճանապարհի անհարթությունների հետ կապված թափքի մարդման և էներգիայի անկախ աղբյուրների ստեղծման համար։