Թողարկվել է Firefox 13 դիտարկիչը

Mozilla Foundation-ը թողարկել է Firefox 13 դիտարկիչի վերջնական տարբերակը, հայտնում է BetaNews-ը։ Վեբ-դիտարկիչը ներկայացվել է վաղաժամ, դրա պաշտոնական ներկայացումը նշանակված է այսօր՝ հունիսի 5-ին։

Նոր դիտարկիչում վերամշակվել է սկզբնական դատարկ էջի միջերեսը։ Արժմ այն կպարունակի հղումներ հաճախ օգտագործվող գործիքներին։

Փոխվել է նաև նոր էջանիշ սարքելիս էջի տեսքը։ Այժմ դրա վրա հայտնվում են հաճախ այցելվող կայքերի մանրապատկերները, ինչպես Google Chrome և Opera դիտարկիչներում։ Օգտագործողը կարող է ինքն ավելացնել այդտեղ իր ցանկալի էջի հղումը։

Դիտման վերականգնման դեպքում դիտարիկիչն այժմ բեռնում է որ թե բոլոր նախկին ցուցադրումները, այլ միայն նրանք, որոնց վրա կսեղմի օգտատերը։

Firefox 13-ում հայտնվել է նաև Reset կոճակը։ Այն հասանելի է «Խնդիրների լուծման վերաբերյալ տեղեկություններ» բաժնում։

Ընդհանուր առմամբ՝ այս դիտարկիչն ավելի սահուն է և, համատեղելի լինելով SPDY պրոտոկոլի հետ, ավելի արագագործ է։

Դիտարկիչը հասանելի է մի քանի տասնյակ լեզուներով։ Այն կարելի է ներբեռնել այստեղից (Windows, Mac OS X)։