Հունիսի 5-ը Շրջակա միջավայրի պահպանության համաշխարհային օրն է

Հունիսի 5-ը ամբողջ աշխարհում նշվում է որպես Շրջակա միջավայրի պահպանության օր։ Այս օրը Շրջակա միջավայրի պահպանության օր նշելու որոշումն ընդունվել է ՄԱԿ-ի Գլխավոր ասամբլեայի կողմից 1972 թվականին: Այդ օրը Ստոկհոլմում աշխարհի 113 երկրների ներկայացուցիչներ շրջակա միջավայրի պահպանությանն ուղղված համաշխարհային գիտաժողովի ժամանակ որոշեցին, որ յուրաքանչյուր տարի այդ օրը պետք է նշել որպես Շրջակա միջավայրի պահպանության օր: 

Բնական պաշարների անխնա շահագործումը, արդյունաբերության զարգացումն ու մարդու գործունեության բազմաթիվ այլ ճյուղեր մեծ՝ հաճախ անդառնալի վնաս են պատճառում բնությանը։ Տարբեր երկրներում բնապահպաններն ու բազմաթիվ հասարակակական կազմակերպություններն անընդհատ բարձրաձայնում են այդ խնդիրների մասին։

Ամեն տարի օրն ունենում է որևիցէ խորագիր։ Այս տարի այդ խորագիրն է՝ «Կանաչ տնտեսություն. դու ներառվա՞ծ ես»։ Կանաչ տնտեսության զարգացումը՝ որպես մթնոլորտն աղտոտող արտանետումների ծավալը նվազեցնելու, բնական պաշարների արդյունավետ օգտագործման, և հասարակական մեծ ներգրավվածության հնարավորություն տվող միջոց, հնարավոր է պետական և մասնավոր ներդրումների աճի շնորհիվ, ինչն էլ, իր հերթին, կբերի եկամուտների և զբաղվածության աճի։ 

Այս տարվա խորագիրը փորձում է բնության պահպանության մեջ ներգրավելել յուրաքանչյուրին։ Այն կոչ է անում մարդկանց իրենց երկրներում հնարավորինս ներգրավվել և իրենց լուման ներդնել կանաչ տնտեսության զարգացման գործում։