Սիրիացի ապստամբները առաջին անգամ գեներալ են սպանել
Մերձավոր Արևելք
Բրիգադի գեներալ Անվար Ալ-Սաքքան դարձել է այսօր սիրացի ապստամբների կողմից կազմակերպված մահափորձի զոհ։ Ինչպես հաղորդում է SANA գործակալությունը, նրա մեքենայի տակ փակված է եղել պայթուցիկ սարք, որը գործարկվել է Դամասկոսի մերձակայքում մեքենայի ընթացքի ժամանակ։
Պայթյունի արդյունքում վիրավորվել է գեներալի աղջիկը, որը մեկնում էր քննությունների, ինչպես նաև մեքենայի վարորդը։ Ինչպես հաղորդում է գործակալությունը Սաքքան, սիրիական բանակի ֆորմալ ծառայողներից չի եղել, այլ զբաղեցրել է «Պաղեստինի ազատագրման բանակում» բարձր պաշտոն։ Սիրիայում այս կազմակերպությունը համարվում է անկախ, մինչդեռ իրականում հանդիսանում է սիրական բանակի մի մասը։
Դրա հետ գրեթե միաժամանակ Դեյր-էզ-Զոր քաղաքում սպանվել է նաև երկու բարձրաստիճան սպա՝ գնդապես Ահմադ Խատտաբը և Իզեդդին Սուեյդանը։ Առաջինը սպանվել է հրազենային ուղիղ կրակոցից, երկրորդը՝ անցնող մեքենայից ինքնաձիգի կրակահերթից։
Անվար Ալ-Սաքքան առաջին գեներալն է, որ սպանվել է Սիրայում հակամարտության սկզբից ի վեր։ Ավելի վաղ հաղորդվում էր, որ որոշ ավագ սպաներ անցել են ապստամբների կողմը։
Բոլոր երեք սպանությունները տեղի են ունեցել ապստամբների այն հայտարարությունից հետո, ըստ որի նրանք հրաժարվում են զինադադարի պահպանումից և անցնում են ռեժիմին ակտիվ դիմադրության։
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
