Սիրիան արևմտյան դեսպաններին հայտարարել է պերսոնա նոն գրատա

Սիրիայի կառավարությունը հունիսի 5-ին պաշտոնապես հայտարարել է մի շարք երկրների ժամանակավոր հավատարմատարների և դեսպաններին երկրից վտարելու որոշման մասին, հաղորդում է France-Presse-ը։ Ինչպես հայտնում է սիրիական ԱԳՆ-ն, եռօրյա ժամկետում երկիրը պիտի լքեն Մեծ Բրիտանիայի, Ֆրանսիայի, ԱՄՆ-ի, Թուրքիայի, Շվեյցարիայի, Իսպանիայի և Իտալիայի դիվանագիտական ներկայացուցչությունների ղեկավարները։

Ավելի վաղ բոլոր նշված երկրներն ի նշան Հուլա քաղաքում տեղի ունեցած սպադի, վտարել էին իրենց մայրաքաղաքներից սիրիացի դիվանագետներին։

Սիրիայի կառավարությունը այս հանցագործության մեղքը բարդել է «որոշ զիված հանցախմբերի» վրա, մինչդեռ տեղի բնակիրները պնդում են, որ իրենց հարազատներին սպանել են կառավարամետ ալևիական «Շաբիխա» զորախմբերը։

Արևմտյան երկրների մեծամասնությունը հակված է չհավատալու տեղի ունեցածի վերաբերյալ կառավարական զեկույցներին և ավելի մեծ վստահություն ունի ականատեսների վկայությունների հանդեպ։ Ռուսաստանը, Չինաստանը և Իրանը հակառակ դիրքորոշում են որդեգրել։

Ավելի վաղ ՌԴ ԱԳՆ-ն դատապարտել էր այն երկրները, որոնք սիրիացի դիվանագետներին պերսոնա նոն գրատա էին հայտարարել։ Ռուս դիվանագետների կարծիքով, նման որոշումը նեղացնում է հակամարտության խաղաղ կարգավորմանն ուղղված հնարավորությունների շրջանակը։ Այս հայտարարության վերաբերյալ Դամասկոսի արձագանքի մասին դեռևս ոչինչ չի հաղորդվում։