Վերծանվել է եբրայերեն հնագույն արձանագրությունը
Գիտություն և Մշակույթ
Գերմանիացի Մյունսթերի համալսարանի գիտնականները վերծանել են եբրայերենով մինչ օրս հայտնի հնագույն արձանագրությունը։ Այդ մասին հայտնում է The Local հրատարակությունը։ Գիտնականների հոդվածը տպագրվել է Semitica պարբերականում։
Ուսումնասիրությունների օբյեկտը կավե անոթի մի բեկոր էր, որն, ըստ գիտնականների, ծառայել է որպես սևագիր, ինչի մակերևույթին ապագա գրիչը կատարելագործում էր իր հմտությունը։ Գիտնականներն ասում են, որ գրիչը, ամենայն հավանականությամբ, վերաբերում էր դատարանին, ուստի և զբաղված էր օրենքներից առանձին տողերի վերարտադրությամբ։
Գիտնականների համոզմամբ, տվյալ բեկորի բովանդակությունը հետևյալն է.
«Իրավունքներ տվեք ստրուկներին և այրիներին։ Իրավունքներ տվեք որբերին և օտարերկրացիներին։ Պաշտպանեք աղքատների և փոքրամասնությունների իրավունքները։»
Այս տեքստի հնությունը գերազանցում է 3000 տարին։
Անոթի բեկորը գտնվել է 2008 թվականին Երուսաղեմից 25 կիլոմետր հեռավորության վրա։ Համարվում է, որ մոտ 3000 տարի առաջ այդտեղ մեծ բնակավայր է եղել, հնարավոր է անգամ՝ քաղաք։
ՈՒՂԻՂ ԵԹԵՐ
Ամենադիտված 
Սոչի մեկնող ինքնաթիռը ճանապարհին անցկացրել է մեկ օր, սակայն տեղ չի հասել
