ՆԱՏՕ–ն մտադիր չէ միջամտել Սիրիայի հարցին. ՆԱՏՕ–ի Գլխավոր քարտուղար

ՆԱՏՕ–ի ղեկավարությունը գտնում է, որ Սիրիայի հարցում դաշինքի ռազմական միջամտությունը չի կարող նպաստել այդ երկրում ստեղծված ճգնաժամի կարգավորմանը։ Այս մասին հայտարարել է ՆԱՏՕ–ի Գլխավոր քարտուղար Անդերս Ֆոգ Ռասմուսենը։ 

«Մենք բացարձակ մտադրություն չունենք Սիրիայի հարցում ռազմական միջամտություն ցուցաբերել։ Ես չեմ կարծում, որ ռազմական միջամտության միջոցով հնարավոր կլինի լուծել Սիրիայի ճգնաժամը», – ասել է Ռասմուսենը՝ Ռիա նովոստի լրատվական գործակալության կազմակերպած Մոսկվա–Բրյուսել տեսակամուրջի ընթացքում։ 

Ռասմուսենի խոսքերով՝ այժմ այդ խնդրի լուծման միակ արդյունավետ տարբերակը Քոֆի Անանի առաջարկած ծրագրի իրագործումն է։

«Ես կոչ եմ անում բոլոր կողմերին՝ իրագործել այդ ծրագիրը», – ավելացրել է նա։

Ռասմուսենը նաև պաշտոնական Մոսկվային կոչ է արել՝ «հետևել միջազգային բոլոր պարտավորություններին և հանդես գալ Ռուսաստանի միջազգային դիրքերից, որպեսզի Ռուսաստանը նպաստի Սիրիայի ճգնաժամի խաղաղ կարգավորման գործընթացին։