Բույսերի պաշտպանության միջոցառումներ՝ ՀՀ գյուղնախարարության կողմից

2012 թվականի պետական բյուջեով «Բույսերի պաշտպանության միջոցառումներ» ծրագրի իրականացման համար նախատեսված է 150.0 միլիոն դրամ` հետևյալ բաղադրիչներով՝

1. Պայքար մկնանման կրծողների դեմ՝ 38991.0հազ. դրամ.

2. Պայքար մորեխների դեմ՝ 21006.0 հազ. դրամ

3. Պայքար անտառի վնասատուների և հիվանդությունների դեմ՝ 89989.0 հազ. դրամ:

Բույսերի պաշտպանության միջոցառումներն իրականացվում են հիմք ընդունելով ՀՀ գյուղատնտեսության նախարարության «Անասնաբուժասանիտարիայի, սննդա-մթերքի անվտանգության և բուսասանիտարիայի ոլորտի ծառայությունների կենտրոն» պետական ոչ առևտրական կազմակերպության կողմից իրականացվող բուսասանիտարական մշտադիտարկման (մոնիթորինգի) արդյունքները:

«Անասնաբուժասանիտարիայի, սննդամթերքի անվտանգության և բուսասանիտարիայի ոլորտի ծառայությունների կենտրոն» ՊՈԱԿ-ի մասնագետների կողմից 2012 թվականին բուսասանիտրական մոնիթորինգ կիրականացվի 225312 հեկտար գյուղատնտեսական նշանակության հողատեսքերում (վարելահողեր, բազմամյա տնկարկներ, խոտհարքներ,արոտներ և այլ հողատեսքեր), որից շուրջ 180,2 հազ. հեկտարում՝ մկնանման կրծողների և մորեխների, իսկ շուրջ 45,1 հազ. հեկտար վրելահողերում և բազմամյա տնկարկներում՝ առավել տարածված կարգավորվող ոչ կարանտին վնասատուների ու հիվանդությունների: Իրականացված մոնիթորինգի արդյունքներից ելնելով՝ ՊՈԱԿ-ի և գյուղատնտեսության աջակացության մարզային կենտրոնների մասնագետների կողմից հողօգտագործողներին տրամադրվում է անհրաժեշտ մասնագիտական խորհդատվություն՝ գյուղատնտեսական մշակաբույսերի վնասակար օրգնիզմների (վնասատուներ, հիվանդություններ և մոլախոտեր) դեմ պայաքարի միջոցառումների իրականացման ժամկետների, օգտագործվող բույսերի պաշտպանության միջոցների տեսակների և չափաքանակների վերաբերյալ:
2012 թվականին «Բույսերի պաշտպանության միջոցառումներ» ծրագրի շրջանակներում ՀՀ գյուղատնտեսության նախարարության կողմից պայքարի միջոցառումներ կիրականացվեն հետևյալ բաղադրիչներով.

1. Պայքար մկնանման կրծողների դեմ միջոցառումը կիրականացվի երկու ենթաբաղադրիչներով:

ա/ պայքար մկնանման կրծողների դեմ ՀՀ գյուղատնտեսության նախարարության կողմից մարզերին անհատույց հատկացված ցինկի ֆոսֆիդով՝ հողօգտագործողների միջոցով: Այս ենթաբաղադրիչով նախարարության կողմից ձեռք է բերվել 15970 կգ ցինկի ֆոսֆիդ, որով ծրագրավորված է 2012 թվականի գարնանը և աշնանը մկնանման կրծողների դեմ պայքար իրականացնել շուրջ 128.0 հազ. հեկտար վարելահողերում և բազմամյա տնկարկներում:

«Անասնաբուժասանիտարիայի, սննդամթերքի անվտանգության և բուսասանիտարիայի ոլորտի ծառայությունների կենտրոն» ՊՈԱԿ-ի կողմից գարնանը կատարված մոնիթորինգի արդյունքների հիման վրա ՀՀ գյուղատնտեսության նախարարության կողմից մարզերին անհատույց հատկացվել է 3001 կգ ցինկի ֆոսֆիդ, որով շուրջ 24.0 հազ. հա առավել վարակված հողատարածքների վրա հողօգտագործողների միջոցով պայքար է կազմակերպվել մկնանման կրծողների դեմ: Այս ենթաբաղադրիչով պայքարի միջոցառումներ կիրկանացվեն նաև աշնանը, հիմք ընդունելով ՊՈԱԿ-ի կողմից կատարված աշնանային մոնիթորինգի արդյունքները:
բ/ մկնանման կրծողների դեմ պայքարի միջոցառումներ տրակտորային ցրիչներով: Այս ենթաբաղադրիչով 2012 թվականի աշնանը անհրաժեշտության դեպքում պայքար կիրականացվի 2400 հա արոտավայրերում և խոտհարքներում:

2. Պայքար մորեխների դեմ
Մորեխներով օջախային վարակների դեպքում նախատեսվում է պայքար իրականացնել նախարարության կողմից համայնքներին անհատույց հատկացվող միջատասպան միջոցով՝ շուրջ 800 հա տարածքի վրա:

«Անասնաբուժասանիտարիայի, սննդամթերքի անվտանգության և բուսասանիտարիայի ոլորտի ծառայությունների կենտրոն» ՊՈԱԿ-ի մոնիթորինգի հիման վրա հունիսի 1-ի դրությամբ, մորեխների զարգացման օջախների վերացման նպատակով նախարարության կողմից ՀՀ Արարատի մարզի Պ. Սևակ և Երասխավան համայնքներին անհատույց հատկացվել է 60 լիտր «Կռալ» տեսակի բույսերի պաշտպանության միջոց 400 հեկտարի վրա պայքար իրականացնելու համար:

«Անասնաբուժասանիտարիայի, սննդամթերքի անվտանգության և բուսասանի-տարիայի ոլորտի ծառայությունների կենտրոն» ՊՈԱԿ-ի կողմից մոնիթորինգի աշխատանքները շարունակվում են: Անհրաժեշտության դեպքում պայքար կիրականացվի նաև տրակտորային սրսկիչներով՝ 3000 հա վրա:

3. Պայքար անտառի վնասատուների և հիվանդությունների դեմ

2012 թվականի մայիսին «Հայանտառ» ՊՈԱԿ-ի կողմից Հայաստանի Հանրապետության անտառներում կատարված անտառ-պաթոլոգիական մոնիթորինգի արդյունքների հիման վրա` անտառային վնասատուների և հիվանդությունների դեմ ս.թ. հունիսի 13-24-ը հանրապետության Արագածոտնի մարզի «Արագածոտնի անտառտնտեսություն», Կոտայքի մարզի «Հրազդանի անտառտնտեսություն», Սյունիքի մարզի «Կապանի անտառտնտեսություն» և Վայոց ձորի մարզի «Վայոց ձորի անտառտնտեսություն» մասնաճյուղերի 9000 հա անտառային տարածքներում կիրականացվեն ավիացիոն քիմիական պայքարի միջոցառումներ: Ազգաբնակչության անվտանգության ապահովման նպատակով իրականացվող միջոցառումների մասին լրացուցիչ կտեղեկացվի: