Կայացել է «Հազարան բլբուլ» մանկապատանեկան երաժշտական բեմադրությունների հանրապետական 1-ին մրցույթ-փառատոնը

Ս. թ. մայիսին առաջին անգամ հանրապետությունում անցկացվել է «Հազարան բլբուլ» մանկապատանեկան երաժշտական բեմադրությունների մրցույթ-փառատոնը, որին մասնակցել են Հայաստանի և ԼՂՀ-ի երաժշտական, արվեստի, հանրակրթական դպրոցների, գեղագիտական մանկապատանեկան մշակութային կենտրոնների սաները: Բեմադրվել են մանկապատանեկան 26 երաժշտական ներկայացումներ, որոնցում ընդգրկվել են թվով 625 երեխաներ: Մրցույթ-փառատոնը նպատակաուղղված էր երեխաներին ու պատանիներին ծանոթացնելու երաժշտական թատրոնի, պարարվեստի, թատերարվեստի ժանրերին: Մանկապատանեկան երաժշտական բեմադրությունների հանրապետական 1-ին մրցույթ-փառատոնի 1-ին փուլը անցկացվել է տեղերում՝ մայիսի 14-30-ը: Հունիսի 2-4-ը Համազգային պետական թատրոնում անցկացվել է մրցույթ-փառատոնի երկրորդ փուլը, որտեղ ներկայացվել են առաջին փուլը հաղթահարած 10 լավագույն խմբերը:

Ս. թ. հունիսի 7-ին` ժամը 14.00-ին, Հ. Պարոնյանի անվան երաժշտական կոմեդիայի պետական թատրոնում տեղի կունենա «Հազարան բլբուլ» մանկապատանեկան երաժշտական բեմադրությունների հանրապետական 1-ին մրցույթ-փառատոնի փակման հանդիսավոր արարողությունը, որի ժամանակ հաղթողներին կհանձնվեն մրցանակներ ու պատվոգրեր:

Մրցույթ-փառատոնի օրերին երեխաների և ուսուցիչների համատեղ ստեղծագործական աշխատանքն է գնահատել մասնագիտական ժյուրին, որի կազմում աշխատել են՝

Կարինե Առաքելյանը -Երևանի Կոմիտասի անվան պետական կոնսերվատորիա» ՊՈԱԿ-ի պրոֆեսոր, հանրապետական և միջազգային մրցույթների դափնեկիր /նախագահ/,

Արմինե Անդրեասյանը- «Համազգային պետական թատրոն» ՊՈԱԿ-ի դերասան, Թատրոնի և կինոյի պետական ինստիտուտի դասախոս,

Սրբուհի Բաբայանը- «Երևանի պարարվեստի պետական քոլեջ» ՊՈԱԿ-ի դասախոս,

Լիլիա Նիկոյանը - ՀՀ մշակույթի նախարարության աշխատակազմի ժամանակակից արվեստի վարչության գլխավոր մասնագետ /պատասխանատու քարտուղար/։