«Հայկական Ժամանակ». Հունիսի 20-ին Կոնգրեսի ներկայացուցիչները առաջին ելույթները կունենան ԱԺ–ում

Հունիսի 20-ին տեղի է ունենալու Ազգային ժողովի նիստ, որի ժամանակ նոր ձևավորված կառավարությունը խորհրդարանի հաստատմանն է ներկայացնելու իր ծրագիրը: Այս մասին «ՀԺ»-ին հայտնել են հանրապետական իրազեկ աղբյուրները:

Նախօրեին թերթը տեղեկացրել էր, որ ԱԺ Հայ ազգային կոնգրես, Դաշնակցություն և «Ժառանգություն» խմբակցությունները կառավարության ծրագրին «դեմ» են քվեարկելու: Այստեղ գլխավոր ինտրիգը մնում է այն, թե ինչպես է այդ ծրագրին քվեարկելու ԲՀԿ-ն: Եվ ընդհանրապես, հունիսի 20-ին ԱԺ-ում բավական ուշագրավ նիստ է սպասվում, այդ օրը Կոնգրեսի ներկայացուցիչները առաջին ելույթները կունենան: