Նապոլեոնի անգլերեն նամակը դուրս են բերել վաճառքի

Նապոլեոն Բոնապարտի՝ անգլերեն նամակը, որը նա գրել է Սուրբ Հեղինեի կղզում աքսորի ժամանակ, դուրս կբերվի վաճառքի Փարիզում, հայտնում է BBC News-ը։

Փաստաթուղթը թվագրված է 1816 թվականի մարտ ամսով և մեկն է Վաթերլոոյի ճակատամարտի պարտությունից հետո աքսորում գրված և մինչև այժմ պահպանված երեք նամակներից։

Կղզում Նապոլեոնն անգործությունից որոշել էր անգլերեն սովորել իր շրջապատի բրիտանացիներին հասկանալու համար։ Անգլերենի դասեր նրան տվել է իր վերակացու կոմս Էմանուել դե Լասկազը (Emmanuel, the Comte de las Cases)։ Երբեմն անքնության ժամանակ Նապոլեոնը նամակներ էր գրում իր դասուսույցին։

Անվարժ անգլերենով գրված տեքստը կարելի է հասկանալ, սակայն այն կապակցված չէ։ Տեքստում առկա են մի շարէ ուղղագրական սխալներ ինպես նաև լեզվական առանձնահատկություններ։ Օրինակ, Բոնապարտը տեղի-անտեղի օգտագործել է shall օժանդակ բայը։

Ապրանքի սկզբնական արժեքն է 80000 եվրո։ Առքուվաճառքը տեղի կունենա Փարիզի Ֆոնտենբլյո պալատում։