Ղազախ զինծառայողը սպանել է իր 15 զինակից ընկերներին, այնուհետև` հրդեհել հենակետը
Աշխարհ
Ողբերգությունը տեղի է ունեցել անցած ամսվա վերջին` ղազախ-չինական սահմանին գտնվող հենակետում:
Մի քանի օր շարունակ հենակետում գտնվող զինծառայողների` կենտրոնակայանի հետ չկապնվելն անհանգստացրել է տվյալ շրջանի զինվորական ղեկավարությանը, որի արդյունքում սկսվել է նրանց որոնումը: Որոնողական աշխատանքների արդյունքում բոլոր 15 զինծառայողների անշնչացած մարմինները հայտնաբերվել են մոխրակույտի վերածված հենակետում: Զինծառայողները պառկած են եղել իրենց անկողնում` հրազենային վնասվածքներով: Մեկ շաբաթ անց կենտրոնակայան է ներկայացել 19-ամյա Վլադիսլավ Չելախը, որը պարզվել է` այդ նույն հենակետում է ծառայելիս եղել կատարված ողբերգության ժամանակ:
Նա սկզբում պնդել է, որ երբ որ նա հենակետ է գնացել, բոլոր զինծառայողներն արդեն իսկ մահացած են եղել: Սակայն, հարցաքննության արդյունքում, նա խոստովանել է, որ ինքն է իրականացրել սպանդը, այնուհետև հրդեհել հենակետը` հանցագործությունը կոծկելու նպատակով: Կատարվածի պատճառները դեռևս պարզվում են: Հայտնի է նաև, որ դեպքից հետո Չելախը հոգեկան խանգարում է ստացել:
Նշենք, որ Ղազախստանի քրեական օրենսգրքով նմանատիպ հանցագործությունների համար սահմանված պատիժը ցմահ ազատազրկումն է:
ՈՒՂԻՂ ԵԹԵՐ
Ամենադիտված 
Ալիևը հայտարարություն է արել սեպտեմբերի 27-ի կապակցությամբ
