Ադրբեջանը ուզում է ցույց տալ, որ աղետի սահմանները կարող են շատ մեծ լինել. Ստեփան Սաֆարյան

Ադրբեջանը փորձում է սահմռկեցուցիչ տպավորություն ստեղծել, ողբերգության հեռանկար նկարել ԱՄՆ պետքարտուղար Հիլարի Քլինթոնի համար, որպեսզի հասկանան, թե քանի կմ խողովակ կարող է վնասասվել, այլ ոչ թե ծակվել, և, թե դա ինչ հետևանքներ կարող է ունենալ։ Այս մասին ասաց «Ժառանգություն» կուսակցության ներկայացուցիչ Ստեփան Սաֆարյանը, պատասխանելով Լուրեր.сom–ի այն հարցին, թե ինչ է ուզում Ադրբեջանը ասել Քլինթոնի այցի ժամանակ հարձակումները ԼՂՀ սահմաններից ՀՀ շփման գոտիներ տեղափոխելով։

«Կհիշեք երևի Սանկտ Պետերբուրգում Սարգսյանի հետ հանդիպումից հետո, երբ Ալիևը վերադարձավ Բաքու, տեղի ունեցավ սադրանք։ Նրանց արտգործնախարարը մի դաժան հայտարարություն արեց, մոտավորապես հասկացնելով՝ «հա սենց ա լինելու, քանի դեռ չեք կարգավորել խնդիրը», այսինքն միջազգային հանրությանը «հաթաթա տվեց», որ եթե դուք չկարգավորեք մեր խնդիրները, պատերազմ է լինելու»,– ասաց Սաֆարյանը։

Նրա խոսքերով, Ադրբեջանը ուզում է ցույց տալ, որ աղետի սահմանները կարող են շատ մեծ լինել։ Հիմա փորձ է արվում, ավելի մեծ չափով վախեցնել միջազգային հանրությանը։