Օլսեն քույրերը լավագույն դիզայներներն են ԱՄՆ-ում. CFDA Fashion Awards

Հունիսի 4-ին մեծ թվով հոլիվուդյան աստղեր, թոփ-մոդելներ ու հայտնի դիզայներներ են մասնակցել Նյու-Յորքի Լինքոլն կենտրոնում տեղի ունեցած Նորաձևության ամերիկյան դիզայներների խորհրդի կազմակերպած մրցանակաբաշխությանը` CFDA Fashion Awards-ին: Այս միջոցառումը շատերը նույնացնում են «Օսկարի» մրցանակաբաշխությանը` այն անվանելով նորաձևության «Օսկար»:

Երեկոյի գլխավոր մրցանակը ստացան Օլսեն քույրերը (Olsen): Մերի Քեյթն (Mary Kate) ու Էշլին (Ashley) ստացել են «Կանացի հագուստի լավագույն դիզայներ» մրցանակը: The Row ապրանքանիշի հավաքածուի վրա աշխատող քույրերին հաջողվել է առաջ անցնել այնպիսի հայտնի մասնագետների, ինչպիսիք են Մարկ Ջեյկոբսը (Marc Jacobs) և Proenza Schouler զույգը: