Ֆրանսիայի նախագահի այցը տարածաշրջան հետախուզական բնույթ էր կրում

  –Սարկոզիի այցը Հայաստան հետախուզական բնույթ էր կրում. նա ծանոթանում էր տարածաշրջանի հետ,- հոկտեմբերի տասին ասուլիսի ժամանակ ասաց քաղաքական վերլուծաբան Երվանդ Բոզոյանը:

Սարկոզիի համար գալիք նախագահական ընտրություններում հայ համայնքի ձայնը որոշիչ է դառնալու. այս քայլը ՓԻԱՌ քայլ էր` արված նաև ընտրազանգվածին իր կողմը քաշելու համար:

–Ֆրանսիան միջազգային քաղաքականության բեմում մեծ խաղացող է, և նրա այցելությունը Հայաստան կարելի է համարել հայ արտաքին քաղաքականության հաջողություն,- ասաց Լիբանանում Հայաստանի նախկին դեսպան, ՀՀ դիվանագիտական կորպուսի ներկայացուցիչ Արման Նավասարդյանը:

Ինչ վերաբերվում էր Մեհրիբան ԱԼիևային պատվո լեգիոնի շքանշանով պարգևատրելուն, ապա բանախոսները միաձայն նշեցին, որ այդտեղ որևէ հակասություն չեն տեսնում, պարզապես Մեհրիբանը Յունեսկօյի դեպան լինելով բավականին գործ է կատարել:

Ադրբեջանական ԶԼՄ-ների կողմից Մեհրիբանի պագևատրումն այն դեպքում, երբ անտեսվեց Իլհամ Ալիևը, որակվել  էր որպես Ադրբեջանի նվաստացում.

- Դա մուսուլմանական մտածելակերպ է. բացի այդ ադրբեջանցիները սովորություն ունեն ամեն ինչ համեմատել հայերի հետ,- մեկնաբանեց քաղաքական վերլուծաբան Ե. Բոզոյանը:

Ի վերջո, որքան էլ շատ ու բազմակարծիք լինեն մեկնաբանությունները Սարկոզիի տարածաշրջան այցելությունների մասին, առաջնային խնդիրը, որն իր առջև դրել էր Սարկոզին` դա իր երկրի արտաքին քաղաքականության լուծումն էր այս այցելության շրջանակներում: