«Հայկական Ժամանակ». Ստրասբուրգ կմեկնի ԵԽԽՎ հայաստանյան պատվիրակության հին կազմը

Երեկ թերթին հայտնի է դարձել, որ ԵԽԽՎ ամառային նստաշրջանին, որը կայանալու է հունիսի 25-29-ը՝ Ստրասբուրգում, մասնակցելու է նախորդ գումարման խորհրդարանում ձևավորված ԵԽԽՎ հայաստանյան պատվիրակության հին կազմը:

Այսինքն, ձևավորվել է նոր խորհրդարան, որտեղ հայտնվել է նոր ուժ, վերադասավորում է տեղի ունեցել այդ խորհրդարանն իր առաջին նիստը գումարել է մայիսի 31-ին, դրանից գրեթե մեկ ամիս անց՝ ԵԽԽՎ պետք է մեկնի հին խորհրդարանի հին պատվիրակությունը: Սա, բնականաբար, խիստ ձեռնտու է իշխանությանը: Խորհրդարանում խոսվում է, որ ամեն ինչ արվելու է՝ Կոնգրեսի որևէ ներկայացուցի ԵԽԽՎ պատվիրակության կազմում չընդգրկելու համար. պատվիրակության ղեկավար Դավիթ Հարությունյանը, որը հետագայում էլ կպահպանի իր այդ պոստը, ցանկանում է, որ նոր կազմում որպես ընդդիմության ներկայացուցիչներ կրկին ընդգրկվեն Արմեն Ռուստամյանն ու Զարուհի Փոստանջյանը: Երեկ, երբ թերթի թղթակիցը նրան ասել է, որ թերթի տեղեկություններով՝ ինքը տրամադրված չէ պատվիրակության կազմում Կոնգրեսի որևէ ներկայացուցի տեսնել, Դավիթ Հարությունյանը պատասխանել է. «Ձեր տեղեկությունները իրականությունից հեռու են»: