«Հայկական Ժամանակ». Մեր քաղաքը կդառնա տոնածառ...

Երեկ կառավարությունը մի չքնաղ ու բարձրաճաշակ որոշում է կայացրել, որի կիրառման պայմաններում մեր քաղաքը կդառնա տոնածառ: Կառավարությունը որոշել է փոփոխել իր ավելի վաղ ընդունած որոշումներից մեկը և սահմանել, որ այսուհետև մեր ավտոճանապարհներին հետիոտնային անցումների գծանշումների համար օգտագործվելու է դեղին գույնը, ընդհանուր օգտագործման տրանսպորտային միջոցների կանգառների կետերի գծանշումների համար՝ կարմիր գույնը, իսկ ճանապարհների կամ երթևեկելի մասի եզրային պատերի գծանշումների համար՝ նաև կապույտ ու սպիտակ կամ կարմիր ու սպիտակ գույները: Ըստ կառավարության, նոր գծանշանները երթևեկության մասնակիցների համար կլինեն առավել տեսանելի: Ըստ որոշ տեղեկությունների, շուտով ճամփեզրի ծառերի վրա «ցվետամուզիկա» կդրվի, իսկ տրոլեյբուսների գծերից վառ դեղին գույնի փայլուն փոմփոլիկներ կկախվեն, ու արդյունքում հայաստանցիները կդառնան աշխարհի ամենաերջանիկ մարդիկ՝ արտագաղթը կդադարի, աղքատությունը կնվազի, գործազուրկներ չեն լինի...