Քիմերային վիրուսները խառնել են ԴՆԹ-ն և ՌՆԹ-ն։

Գիտնականները տաք աղբյուրներում հայտնաբերել են միկրոօրգանիզմի գենոմ, որում պարունակվել են ինչպես ԴՆԹ, այնպես էլ ՌՆԹ պարունակող վիրուսներ։ Հետազոտությունը տպագրվել է Biology Direct պարբերականում։

Հետազոտողները ԱՄՆ-ի Լասսեն Վոլքենիք ազգային պարկի տաք աղբյուրներում նմուշներ էին հավաքում դրանցում պարունակվող ԴՆԹ-ի ամբողջ հաջորդականությունը պարզելու համար, առանց դրանք տարրաբաժանելու ըստ տարբեր օրգանիզմերի պատկանելության։ Նման հաջորդականությունը կոչվում է մետագեն, այնսինքն տվյալների զանգված, որում պարունակվում են տարբեր օրգանիզմների գենոմներ կամ դրանց հատվածներ։

Ստացված մետագենոմի վերլուծության արդյունքում հայտնաբերվել է անսովոր մի վիրուսի գենոմ։ Դրա միաշդթա ԴՆԹ-ն պարունակել է գենը, որը հատկանշական է միայն ՌՆԹ պարունակող վիրուսների թաղանթի սպիտակուցի համար։ Ընդ որում, մնացյալ գեները հատուկ են միայն ԴՆԹ պարունակող վիրուսների համար։

Կենսաինֆորմատիկ մեթոդով այս գենոմը հայտնաբերելուց հետո, հետազոտողները բազմացրել են առաջնային նյութը PCR-անալիզի միջոցով (Polymerase chain reaction)։ Պարզվել է, որ տաք աղբյուրի «բնակիչների» մեջ իսկապես առկա է քիմերային վիրուս։

Մեկ գենոմում երկու միանգամայն տարբեր վիրուսների խմբերի հատկանիշների առկայությունը խուսում է այն մասին, որ ինչ-որ ժամանակ ֆրանց միջև տեղի է ունեցել գենետիկ նյութի փոխանակում։ Նման վերազուգորդումներ (ռեկոմբինացիաներ) վիրուսագետները մինչ այժմ չէին հայտնաբերել։

Մետագեների հետազոտությունները լայնամասշտաբ շարակցման տեխնիկայի պարզեցմանը և էժանացմանը զուգընթաց մեծ հետաքրքրություն են առաջացրել միկրոկենսաբանների շրջանում։ Մետագեների հետազորության հիմնական առավելությունը ԴՆԹ ստանալու համար հատուկ օրգանիզմներ աճեցնելու անհրաժեշտության բացակայության մեջ է, քանի որ մանրէների ճնշող մեծամասնությունը (90-95%-ը) հնարավոր չէ կուլտիվացնել. դրանք պահանջում են միջավայրի գերհատուկ պայմաններ։