HTC-ին արգելվել է Windows 8 համակարգով պլանշետներ արտադրել

Microsoft ընկերությունը հանել է մոբիլ սարքավորումների HTC արտադրողին Windows 8 համակարգով ARM-պլանշետներ արտադրողներին ցանկից, հայտնում է Bloomberg-ը՝ հղում անելով անանուն աղբյուրներին։

Ոչ պաշտոնական տվյալներով, այս մերժման պատճառն այս ընկերության սարքավորումների վաճառքի ցածր ցուցանիշն է և պլանշետների արտադրության գործում դրա անբավարար փորձը։ HTC ընկերության պլանշետների ցանկում են HTC Flyer, HTC Jetstream և HTC EVO սարքերը, որոնք բոլորն էլ աշխատում են Andriod համակարգով։

Այլ լուրերի համաձայն, HTC-ն ցանկանում էր ձևափոխել Windows 8-ը՝ ներմուծելով «տնային էկրան», ինչն անթույլատրելի միջամտություն էր Microsoft-ի համար։

Հայտնվում է, որ HTC-ն թույլատվություն ստանալու շանսեր, այնուամենայնիվ, ունի, սակայն 2013 թվականի համար։ «Առաջին ալիքի» սարքավորումները շուկա կմտնեն 2012-ի վերջին։

Windows 8 համակարգը կթողարկվի չորս տարբերակներով, որից միայն մեկը՝ Windows RT-ն, կօգտագործվի պլանշետային սարքերում։