Ստամբուլի օդանավակայանում ծափողջույններով են դիմավորել հայ օդաչուին
ԹուրքիաԹուրքական Atlas Global ավիաընկերության ինքնաթիռը, որը Ստամբուլում հորդառատ անձրևի և խոշոր կարկուտի տակ է հայտնվել, ուկրաինացի օդաչու Ալեքսանդր Ակոպովի շնորհիվ հերոսական վայրէջք է կատարել Աթաթուրքի օդանավակայանում:
Կարկուտի հետևանքով մեծ վնաս էր կրել ինքնաթիռի քթամասը, կոտրվել էին դիմապակիները, վնասվել էր ավտոպիլոտը: Օդաչուին հաջողվել է նստեցնել ինքնաթիռը կողքի պատուհանից նայելու շնորհիվ:
Ինքնաթիռի վայրէջքից հետո օդաչուին ծափահարել է ողջ օդանավակայանը: Մյուս ինքնաթիռների օդաչուները դրոշակներ են բարձրացրել և մոտեցել են օդաչուին՝ սեղմելով նրա ձեռքը:
Ինքնաթիռում եղել է 121 ուղևոր և անձնակազմի 6 անդամ:
Սոցիալական ցանցերում օդաչուի ազգանունից դատելով ենթադրություններ են անում, որ նա հայ է:
Աթաթուրքի օդանավակայանում ականատեսների արձանագրած կադրերից պարզ է դառում, որ հայ օդաչուի հերոսական քայլը ծափերով ու հիացական բացականչություններով են ողջունել, թեև մինչ վայրէջքի պահը կասկածում էին, որ դա նրան կհաջողվի:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
