"NASA"–ն հրապարակել է Լուսնի ամենաճշգրիտ քարտեզը

"NASA"–ն հրապարակել է մինչ այժմ ամենամոտիկից նկարահանած Լուսնի մակերևույթը։ Այս քարտեզի օգնությամբ` երիտասարդ գիտնականները կարող են առավել ճշգրիտ հետազոտություններ կատարել։

Քարտեզը կազմվել է "Lunar Reconnaisance Orbiter" սարքի օգնությամբ։ Աշխատանքները կատարել են ամերիկացի տիեզերագնացները` 2009 թ.–ից սկսած։

Այս սարքն ստեղծած՝ Արիզոնայի պետական համալսարանի գիտաշխատող Մարկ Ռոբինսոնը հայտնել է, որ նոր սարքն ունի այնպիսի հնարավորություններ, որը մինչ այժմ ոչ մի տիեզերական սարքավորում չի կարողացել ֆիքսել։ «Նոր սարքի օգնությամբ հնարավոր կլինի հետազոտել Լուսնի մակերեսն ավելի խորությամբ»,– հավելել է Ռոբինսոնը։