«Հրապարակ». ՀՀԿ–ն նախագահական ընտրությունները կանցկացնի նոր գրասենյակում
Հայկական Մամուլ
ՀՀԿ գրասենյակը վերջին հրդեհից հետո շարունակում է մնալ անմխիթար վիճակում: ՀՀԿ-աններն էլ խուսափում են մեկ-երկու ժամից ավելի մնալ այնտեղ՝ ծխի տհաճ հոտի, ինտերնետ, երբեմն էլ լույս չունենալու պատճառով:
Ինչպես ասում են, «գրասենյակը» մեռավ։ Սերժ Սարգսյանի սենյակի առջև «պարկետը» Մասիս սարի պես երկու «գագաթով» ուռել է, այնպես որ սենյակ մտնելու համար պետք է ոստնես: Իսկ Հովիկ Աբրահամյանի սենյակի դիմաց ընդհանրապես «պարկետները» հանել, տեղը նախահեղափոխական «դիֆտ» են խփել:
ՀՀԿ-ականները գրասենյակ չգալու մեկ այլ լուրջ պատճառ էլ ունեն, գրասենյակի կողքին երկու էլիտար շենքեր են կառուցվում, ինչպես նաև իրենց գրասենյակի նոր մասնաշենքը՝ դարձյալ սև տուֆից, ու ողջ օրը ՀՀԿ գրասենյակում ահավոր աղմուկ է, և առանց այն էլ լավ չլսող ՀՀԿ ծերակույտն ամբողջ օրը ստիպված է լինում հարցնել՝ հը՞, ի՞նչ ասիր, նորից ասա:
Իսկ թե որտեղից են ինքնատիպ սև տուֆը բերում, ՀՀԿ-ում չեն ասել, սակայն վստահեցրել են, որ նախագահական ընտրություններն արդեն ՀՀԿ-ն կանցկացնի նոր գրասենյակում, ուր բոլորի համար հարմարավետ սենյակներ կլինեն:
«ՀԺ»–ն նկատում է, որ ՀՀԿ բուն գրասենյակը մինչ ՀՀԿ-ացվելը եղել է «կուրորտների» վարչություն: Շատերը հենց այդ սիմվոլիկայով են բացատրում ՀՀԿ-ի՝ իր ջանի մասին հոգ տանելու կերակրատաշտային հակումը:
ՈՒՂԻՂ ԵԹԵՐ
Ամենադիտված 
Ո՞րն է սիրված արտիստ Արտաշես Ալեքսանյանի մահվան պատճառը. հայտնի են մանրամասներ
