«Չորրորդ ինքնիշխանություն». Ֆինանսական լուրջ խնդիրների առաջ է կանգնել «Արզնի տոհմային ԹՏԽ» ԲԲԸ-ն

Շրջանառվող լուրերի համաձայն, «Արզնի տոհմային ԹՏԽ» ԲԲԸ-ն ֆինանսական լուրջ խնդիրների առաջ է կանգնել: Բանն այն է, որ «Արզնի»–ի սեփականատեր Մարատ Ջանվելյանի ու նրա որդիների հետ կապված հայտնի միջադեպից հետո շատերը Ջանվելանների հետ հրաժարվում են պայմանագիր կնքել ու նրանց հետ աշխատել: Տեղի բնակիչներից շատերը, ովքեր ժամանակ առ ժամանակ առիթ են ունենում այս ընկերության հետ առնչվել, այն կարծիքին են, որ ընկերության դեկավարները առաջնորդվում են ֆեոդալին բնորոշ հոգեբանությամբ՝ կարծելով, թե բոլորը իրենց համար ստրուկ են:

Սրանից բացի, խոսակցություններ են պտտվում այն մասին, որ «Արզնին» այս տարի չի կարողացել իր ընկերության ներսում համապատասխան ներդրումներ կատարել, քանի որ Մարատ Ջանվելյանն անցյալ տարի իր որդիների «հերոսությունների» համար շատ թանկ է վճարել:

Թերթը հիշեցնում է, որ 2011–ի մայիսին, Ջանվելյանի տղաները Կոտայքի մարզի Հատիս գյուղում ծեծել էին մի խումբ գյուդացիների՝ չմոռանալով նաև իրենց մոտ եղած հրազեններով օդ կրակել:

Իսկ թե այսօր ի՞նչ ծավալներով ու ի՞նչ պայմաններում է փորձում «Արզնին» անարատ արտադրանք ապահովել սպառողի համար, որի մասին աջ ու ձախ գովազդում է, «ՉԻ»–ն խոստանում է ներկայացնել առաջիկայում: