Նոր զանգվածային կոտորած Սիրիայի Դերա'ա քաղաքում
Մերձավոր Արևելք
Սիրիայի ընդդիմության ակտիվիստների հաղորդել են, որ այս գիշեր անվտանգության ուժերի ռմբակոծությունից Դերա'ա քաղաքում նախնական տվյալներով 14 մարդ է զոհվել։
Ընդդիմության ակտիվիստների խոսքերով, ռմբակոծությունը սկսվել է գիշերային աղոթքից հետո, իսկ հիմնական նշանակետը եղել է քաղաքի արևմտյան հատվածը։ Ըստ նրանց տվյալների, ևս 40 մարդ զոհվել է ուրբաթ օրը կառավարական ուժերի և ընդդիմության կողմնակիցների միջև Սիրիայի տարբեր քաղաքներում, այդ թվում Հոմսում և Դամասկոսում տեղի ունեցած բախումների ընթացքում։
Ավելի վաղ, ըստ ընդդիմության տեղեկությունների, սուննիական Կուբեիր գյուղում կառավարամետ «Շաբիհ» կազմակերպության մարտիկները սպանել են 78 մարդ, հաղորդում է BBC Russian–ը։
Կառավարական ուժերը սպանվածների մարմինները անհետացրել են։ Սակայն ողջ գյուղում արյան հետքեր են և տարածվել է մարդու այրված դիակի հոտ։
ՄԱԿ–ի միջազգային դիտորդները ժամանել են դեպքի վայր և փորձում են հասկանալ տեղի ունեցածի պատճառները։
Հիշեցնենք, որ ՄԱԿ–ի վերջին տվյալներով Սիրիայի կառավարական ուժերի և ընդդիմության միջև տեղի ունեցած բախումների պատճառով զոհվել է ավելի քան 13 հազար մարդ։
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
