Մուբարաքը խնդրել է իրեն հուղարկավորել թոռան կողքին
Մերձավոր Արևելք
Եգիպտոսի նախկին նախագահ Հոսնի Մուբարաքը, որն անց է կացնում իր պատիժը Կահիրեից քիչ հեռու գտնվող Տորա բանտում, կնոջ և որդու հետ տեսակցության ընթացքում խնդրել է իրեն հուղարկավորել երեք տարի առաջ մահացած թոռան՝ Մուհամադ Մուբարաքի կողքին, հաղորդում է Ռիա նովոստին։
Հոսնի Մուբարաքի ավագ թոռը՝ 12-ամյա Մուհամադը, անսպասելի մահացել էր 2009–ին։ Նրա մահվան մանրամասները մինչ այսօր գաղտնի են պահվում։ Սակայն, ըստ որոշ տեղեկությունների, նա մահացել է ձիուց վայր ընկնելու և ողնաշարը կոտրելու արդյունքում։
Հունիսի 4-ին Կահիրեի դատարանը Հոսնի Մուբարաքին դատապարտեց ցմահ ազատազրկման՝ մեղավոր ճանաչելով հակակառավարական բողոքի ցույցերը ճնշելու և ցուցարարներին սպանելու հրաման արձակելու մեջ։
Նախկին դիկտատորի առողջական վիճակը կտրուկ վատացել է այն բանից հետո, երբ նրան տեղափոխել են Տորա բանտ։ Այնուհետև Մուբարաքին տեղափոխել են բանտի բուժարան, որտեղ էլ նա մինչ այժմ գտնվում է բժիշկների հսկողության տակ։
Ըստ բժիշկների, այժմ Մուբարաքի առողջական վիճակը կայուն ծանր է գնահատվում։
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
