Apple-ը պատենտավորել է MacBook-ի տեսքը

Apple ընկերությունը պատենտի միջոցով պաշտպանել է իր MacBook Air ապրանքանիշի դիզայնի բոլոր տարրերը, հայտնում է The Verge-ը։

Հունիսի 5-ին ստացված պատենտը նկարագրում է ինչ-որ «էլեկտրոնային սարքի» տեսքը, որի անունն ուղղակիորեն չի նշվում։ Նկարագրությունից, սակայն, կարելի է եղրակացնել, որ խոսքը հենց MacBook Air-ի մասին է։

Պատենտի տեքստում ընկերությունը հիմնական շեշտը դնում է կողեզրի սեպաձև տեսքի վրա, որի փոփոխական հաստությունը MacBook-ի հիմնական առանձնահատկություններից է՝ այն տատանվում է 17-ից մինչև 3 միլիմետր։

Պատենտը գործելու է 14 տարի, որի ընթացքում ընկերությունը հնարավորություն ունի իրավական փոխհատուցում պահանջել բարաք նոութբուքերի՝ ուլտրաբուքերի որոշ արտադրողներից։

Սեպաձև տեսք ունեն նաև HP Envy Spectre, Asus Zenbook և LG Z330 ուլտրաբուքերը, որոնք բոլորը շուկայում հայտնվել են MacBook-ից ավելի ուշ։

Apple ընկերությունն արդեն դատվում է որոշ ընկերությունների հետ. այսպես, այն մեղադրում է Samsung ընկերությանը iPhone և iPad սարքերի պատճենման մեջ։