Պայթյուններ Իրաքում. զոհվել է 7 մարդ

Իրաքի մայրաքաղաք Բաղդադի արվարձաններից մեկում տեղի ունեցած երկու պայթյունների հետևանքով զոհվել է յոթ մարդ։ Այս մասին հաղորդում են տեղական իշխանությունները։

Առաջին պայթյունը տեղի է ունեցել Սակլավիա կոչվող արվարաձանում. պայթեցվել է ոստիկանության սպայի առանձնատունը։ Պայթյունի հետևանքով սպանվել են ոստիկանի ընտանիքի 4 և վիրավորվել 3 անդամները։

Բաղդադի Աբու–Ղրեյբ կոչվող արվարձանի մզկիթի մոտ տեղի ունեցած երկրորդ պայթյունի հետևանքով 3 մարդ է զոհվել, 19-ը` վիրավորվել։