Թշնամուն հակառակ
Վերլուծական
Վերջին շրջանում Ադրբեջանի կողմից Հայաստանի և Լեռնային Ղարաբաղի սահմաններին հրադադարի խախտման դեպքերը հաճախակի են դարձել:
Չնայած թշնամու սադրիչ գործողություններին՝ հարկ է նշել, որ սահմանամերձ գյուղերում ապրող մարդիկ շարունակում են իրենց առօրյա հոգսերով ապրել՝ հաստատակամորեն մնալով իրենց հայրենի հողը պաշտպանելու դիրքորոշմանը: Լուրեր.com-ի հետ զրույցում ԼՂՀ Քաշաթաղի շրջանի վերաբնակեցված Արծվաշեն գյուղի ուսուցչուհի Ժենյա Հարոյանը նշեց, որ սահմանում տիրող իրավիճակն իրոք անհանգստացնող է, բայց միայն այն պատճառով, որ թշնամու գնդակից զոհվում և վիրավորվում են մեր ազգի զավակները:
Մեր հարցին, թե ինչ իրավիճակ է տիրում ներկայումս իրենց գյուղում, տիկին Հարոյանը պատասխանեց. «Գյուղացիներն իրենց հոգսերով են զբաղված, ոմանք վերանորոգում են իրենց բնակարանները, իսկ մենք՝ ուսուցիչներս, զբաղված ենք աշակերտների պետական քննություններով»:
Զրույցի ընթացքում նաև պարզ դարձավ, որ այս մեկ շաբաթվա ընթացքում Արծվաշեն գյուղում տեղի է ունեցել երկու հարսանիք, ինչը շատ ուրախալի փաստ պետք է համարել: Զրույցի վերջում տիկին Հարոյանն ավելացրեց. «Ոչ մի թշնամի չի կարող մեզ վախեցնել, մենք ամուր կանգնած ենք մեր հողի վրա»:
ՈՒՂԻՂ ԵԹԵՐ
Ամենադիտված 
Դիրքում բռնшբшրnւթյшն դեպքը տեսած, ապա սպшնված 3 զինվորների ծնողներն արդարադատություն են պահանջում (տեսանյութ)
