Թուրքիայի ներքին գործերի նախարարը բողոք է ներկայացրել «Ակոս»-ի սյունակագիր Ասքըն Օրանի դեմ
Թուրքիա
Թուրքական իշխանությունների ձեռքը հասել է նաև Ստամբուլի հայկական պարբերականի «Ակոս»-ի անձնակազմին: Թուրքիայի ներքին գործերի նախարար Սուլեյման Սոյլուն օգոստոսի 25-ին «Ակոս»-ի սյունակագիր Ասքըն Օրանի դեմ բողոք է ներկայացրել: Այս մասին, հայտնում են թուրքական Birgün պարբերականը:
Օրանը մեղադրվում է ահաբեկչության քարոզչության մեջ: Թուրքիայում միայն 2017-ի օգոստոսին ձերբակալվել է 33 լրագրող, որոնց մեջ են նաև արտասահմանի քաղաքացիներ: Օգոստոսին ձերբակալված լրագրողներից 14-ն արդեն կալանավորված են:
Թուրքիայում 2016-ի հուլիսին տեղի ունեցած ռազմական հեղաշրջման փորձին հաջորդած շրջանում ձերբակալությունները հասել են աննախադեպ ծավալների:
Թուրքական բանտերը գերբեռնված են, ձերբակալվածների մեջ են քաղաքական գործիչներ, լրագրողներ, գործարարներ, ուսուցիչներ:
Ձերբակալվածներին հիմնականում առաջադրվում են հեղաշրջման փորձին մասնակցելու, գյուլենական շարժման անդամ լինելու, ինչպես նաև ահաբեկչության քարոզ իրականացնելու մեղադրանքներ:
Զանգվածային ձերբակալությունների միջոցով Թուրքիայի նախագահ Ռեջեփ Թայիփ Էրդողանը ցանկանում է քաղաքական և քաղաքացիական դաշտը մաքրել իր համար անցանկալի տարրերից և իր իշխանությունը դարձնել ավելի մենատիրական:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
