«WebԾիրան»-ն արդեն հետաքրքրություն է առաջացրել

Ընդամենը երեք օր է, ինչ մեկնարկել է հայկական առաջին առցանց կինոփառատոնը՝ «WebԾիրանը», բայց այն արդեն շատերին է հետաքրքրել։

Նոյեմբերի 15-ից մինչ այսօր, "Webtv" առցանց հեռուստատեսության միջոցով` փառատոնի առաջին 7 ֆիլմերը դիտվել են ավելի քան 1.000 անգամ։ Այս ֆիլմերը դիտելու և նրանց օգտին քվեարկելու հնարավորություն է տրվում՝ մինչև նոյեմբերի 21-ը, որից հետո կսկսվի փառատոնի երկրորդ շաբաթը՝ նոր ֆիլմերով։

Այս շաբաթվա ֆիլմերն են՝ Արտյոմ Բորանյանի «Ոչ սովորական աշխարհ»-ը, Լևոն Հովհաննիսյանի "Kaleidoscop"-ը, Արսեն Աիրապետյանի "The Dead Angel"-ը, Հովհաննես Պապիկյանի և Շուշանիկ Սահակյանի «Էն ուրիշ Ֆրունզիկը», Աննա Մինասյանի «Հե՛յ, ո՞վ կա»-ն, Նարե Մինասյանի "Soft Touch"-ը և «Շառլ Ազնավուրի հրապարակը»։