Պոլիմերային հաղորդալարերը հավաքվում են եռաչափ կառուցվածքներում

Մասաչուեթսի տեխնոլոգիական համալսարանի ինժեներները կարողացել են հավաքել միկրոսկոպիկ պոլիմերային հաղորդալարերը եռաչափ կառուցվածքներում։ Սա թույլ է տալիս ապագայում ստեղծել կոնտակտների բազմաշերտ տեղաբաշխմամբ միկոչիպեր։ Աշխատանքը տպագրվել է Science պարբերականում, որի համառոտ բովանդակությունը բերվում է համալսարանի կայքում։

Սիլիցիումային հաղորդալարերով միկրոչիպերի մանրացումը սահմանափակվում է ֆոտոլիթոգրաֆիայի հնարավորություններով, որը դրանց նախագծման և արտադրության հիմնական մեթոդն է։ Դրանք որքան հնարավոր է փոքր պատրաստելու համար արտադրողներոն օգտագործում են ավելի ու ավելի կարճ ալիքի երկարությամբ լույս՝ ընդուպ մինչև կոշտ ուլտրամանուշակագույն։

Գիտնականներ այժմ որոշել են հետազոտել այլընտրանքանյին տեխնոլոգիաների հնարավորությունները՝ պատրաստել դրանց միկրոսկոպիկ հաղորդալերերը համապոլիմերներից ձևավորված կառուցվածքներով։ Հեղինակները կապում են պոլիմերների իրար վանող երկու մոլեկուլները մեկում՝ ստանալով այնպիսի նյութ, որը ունակ է ինքնուրույն հավաքվել գլանային կառուցվածքներում։ Նման կերպով են իրար պահում մակերևութակտիվ նյութերը, որոնք ունակ են կազմավորել միցելներ (micelles)։

Համապոլիմերների ձևավորած կառույցները բացարձակ կանոնավոր չեն և ունեն մի շարք դեֆեկտներ։ Ավելի մեծ կանոնավորության հասնելու համար գիտնականները պլանավորում են օգտագործել ուղղորդող թաղանթ, որը պատրաստված է լիթոգրաֆիայի մեթոդով էլեկտրոնների փնջի օգնությամբ։ Այն իրենից ներկայացնում է ուղղահայաց գլանների կանոնավոր դասավորությամբ։

Դեռևս հաջողվել է ստեղծել միայն երկշերտ կառուցվածք, սակայն մեթոդի հնարավորությունները թույլ են տալիս ավելացնել դրանց քանակը։

Աշխատանքը դեռ հիմնարար հետազոտության փուլում է, սակայն գիտնականները գտնում են, որ ապագայում դա թույլ կտա հաղթահարել մանրացման դիֆրակցիոն սահմանը։