Սերգեյ Լավրովը որպես սիրական խնդրի լուծման օրինակ մատնանշել է ԼՂ հակամարտությունը

Ռուսաստանի արտաքին գործերի նախարար Սերգեյ Լավրովը հունիսի 9–ին կայացած ճեպազրույցում հայտարարել է, որ Սիրիական հակամարտության լուծման մեջ Ռուսաստանը Անանի պլանին այլընտրանք չի տեսնում։

Նրա խոսքերով, սիրիական ճգնաժամից դուրս գալու եզակի ելքը Անանի պլանն է։

«Հակամարտության խաղաղ կարգավորման համար մենք ուրիշ այլընտրանք չենք տեսնում։ Այն, ինչ տեղի է ունենում Սիրիայում՝ խաղաղ բնակչության ոչնչացումը, պետք է դադարեցնել։ Դրա համար արտաքին դերակատարները պետք է Սիրիայի կառավարության և ընդդիմության միջև երկխոսության համար պայմաններ ստեղծեն։ Լավրովը հայտարարել է, որ պատերազմը չի հանդիսանում նման հակամարտությունների լուծման ճանապարհ՝ «Նման հակամարտությունները պետք է լուծվեն բանակցությունների ճանապարհով և արտաքին խաղացողները չպետք է խոչընդոտեն դրան։ Ընդհակառակը՝ նրանք պետք է օգնեն երկխոսության ռեժիմի ստեղծման հարցում։ Հատկապես, հակամարտության կողմերը պետք է ընդհանուր համաձայնության գան։ Որպես օրինակ կարելի է ցույց տալ ԼՂ հակամարտությունը։ Լեռնային Ղարաբաղի հակամարտության լուծման մեջ ԵԱՀԿ Մինսկի խումբը նպաստում է կողմերի միջև երկխոսության հաստատմանը։ Եթե բոլոր հակամարտությունների լուծման մեջ արտաքին խաղացողները գրավեն այնպիսի դիրք, ինչպիսին նրանք գրավում են սիրիական հակամարտության լուծման մեջ՝ լավ հայտնի է, թե ինչով կվերջանա այդ ամենը», – ասել է Լավրովը։