Ռոբերտ Սքոթի աշխատակիցը գաղտնի է պահել պինգվինների սեռական կյանքի վերաբերյալ իր դիտարկումները

Լոնդոնի Բնության պատմության թանգարանի արխիվում հայտնաբերվել են պինգվինների սեռական կյանքի «ցնցող» մանրամասներ, որոնք դիտել է Ջորջ Մյուրրեյ Լեվիքը (George Murray Levick)՝ 1910-1913 թվականների բրիտանական անտարկտիկական գիտարշավի մասնակիցներից մեկը։ Այս մասին գրում են The Guardian և The Daily Telegraph թերթերը։

Լեվիքը կատարում էր Ռոբերտ Սքոթի արշավախմբի բժշկի պարտականությունները «Տերրա Նովա» նավի վրա։ 1911-1912 թվականների անտարկտիկական ամառվա ընթացքում նա հետևել է Ադեր հրվանդանի պինգվինների սեռական կյանքին։ Մինչ օրս նա միակ հետազոտողն է, որը դիտարկել է այս կենդանիների բազմացման ամբողջ ցիկլը։

Ինչպես գրում են ԶԼՄ-ները, պինգվինների որոշ արարքներ ցնցել են Լեվիքին՝ «Էդուարդ թագավորի ժամանակաշրջանի տիպական անգլիացուն»։ Այսպես, գիտնականը ականատես է եղել թռչունների նույնասեռ հարաբերությունների։ Բացի այդ, արունի մոտ նկատվել են էգերի դիակների հետ սեռական հարաբերության, ինչպես նաև անչափահասների և էջերի հանդեպ սեռական բռնությունների բազմաթիվ դեպքեր։

«Աներևակայելի այլասերությունից» ցնցված՝ դոկտոր Լեվիքն իր դիտարկումները գրառել է հունարենով՝ հույս ունենալով, որ դրանք աննկատ կմնան լայն հասարակության համար։ Հայրենիք վերադառնալով՝ գիտնականը պատրաստել է Ադելի պինգվինների վերաբերյալ իր անգլալեզու հոդվածը, սակայն այս դիտարկումները դրանում չի ընդգրկել։ Ավելի ուշ, Լեվիքը ևս մի կարճ հոդված է գրել «Ադելի պինգվինների սեռական վարքը» անվանմամբ, սակայն թույլատրել ա այն կարդալ միայն մի քանի մասնագետների։

Այս աղմկահարույց հոդվածի պատճենն արխիվում հայտնաբերել է թռչնաբան Դուգլաս Ռասելը (Douglas Russell) և հրապարակել է այն իր նշումներով հադերձ Polar Record պարբերականում, որի համառոտագիրը հասանելի է Քեմբրիջի համալսարանի կայքում։

Նշելով Լեվիքի դիտարկումերի ճշգրտությունը՝ Ռասելը ենթադրել է, որ իր նախորդը այդքան էլ արդարացի չէր Ադելի հրվանդանի պինգվիններին սեռական սանձարձակության մեջ իր մեղադրանքներում։ Վերջին դիտարկումների տվյալներով՝ այդ տեսակի երիտասարդ արուները, չունենալով սեռական փորձ, սխալմամբ հետաքրքրություն են ցուցաբերում ոչ-ստանդարտ օբյեկտների հանդեպ։ Բացի այդ, ինչպես հայտնում է Ռասելը, «պինգվինները բոլոր թռչուններից մարդուն ամենանմանն են և այդ պատճառով էլ նկարագրվում են մարդակենտրոն եզրութաբանության սահմաններում»։