Էրդողանը անբարո է որակել Թուրքիայի՝ ԵՄ մուտք գործելը դադարեցնելու շուրջ բանակցությունների դադարեցումը

Եվրոպացի քաղաքական գործիչները, որոնք հայտարարում են Թուրքիայի՝ ԵՄ մուտք գործելու շուրջ բանակցությունների դադարեցման անհրաժեշտության մասին, անբարո են գործում։

Այս մասին, «ՌԻԱ նովոստիի» փոխանցմամբ, հայտարարել է Թուրքիայի նախագահ Թայիփ Էրդողանը։

Նախօրեին Ֆրանսիայի կառավարության պաշտոնական ներկայացուցիչ Քրիստոֆ Կաստաները հայտարարել էր , որ Թուրքիայում առկա քաղաքական ներկայիս իրավիճակը թույլ չի տալիս շարունակել այդ երկրի՝ ԵՄ մուտք գործելու շուրջ բանակցությունները։ Գերմանիայի կանցլեր Անգելա Մերկելն էլ նշել էր, որ ԵՄ-ն հոկտեմբերին կքննարկի Թուրքիայի՝ ԵՄ մուտք գործելու շուրջ բանակցությունների դադարեցման հարցը։

«Եվրոպացի քաղաքական գործիչների կողմից հակաթուրքական խաղաքարտի օգտագործումը մեզ շատ է անհանգստացնում։ Նրանք պառկում և արթնանում են Թուրքիայի և Էրդողանի մասին մտքերով։ Խոսել բանակցությունների դադարեցման մասին քաղաքական անբարոյականություն է»,- Panorama.am-ի փոխանցմամբ՝ հայտարարել է Էրդողանը։