«Մադագասկար-3»-ը երկու օրում հավաքել է 60 միլիոն դոլար

«Մադագասկար-3» անիմացիոն ֆիլմը (օրիգինալ անվանումը՝ Madagascar 3: Europe's Most Wanted) գլխավորում է հյուսիսամերիկյան ցուցադրությունները թողարկումից հետո առաջին իսկ հանգստյան օրերին։ Ինչպես հաղորդում է BoxOfficeMojo-ն, մուլտֆիլմը հունիսի 8-10-ին հավաքել է 60.35 միլիոն դոլար։ «Մադագասկարի» երրորդ մասը, որում Նյու-Յորքի կենդանաբանական այգուց փախած կենդանիները տուն հասնելու փոխարեն հայտնվում են Եվրոպայում, թողարկվել է եռաչափ ֆորմատով։

Երկրորդ տեղում է Ռիդլի Սքոթի ֆանտաստիկ ֆիլմը՝ «Պրոմեթևսը» 50 միլիոն արդյունքով։

Երրորդ տեղում է հայտնվել է Շարլիզ Թերոնիև Քրիսթեն Սթյուարթի մասնակցությամբ «Սպիտակաձյունիկը և որսորդը» կտավը՝ 23 միլիոնով (2 շաբաթվա ընթացքում հավաքել է 98.5 միլիոն դոլար)։

Չորրորդ տեղում է «Սևազգեստ մարդիկ 3» ֆիլմը՝ 13.5 միլիոնով (3 շաբաթում՝ 135.5 միլիոն), իսկ հինգերերդում՝ «Վրիժառուները»՝ 10.8 միլիոնով (571.9՝ վեց շաբաթվա ընթացքում)։