Ադրբեջանում խաղալը բավականին բարդ է. Լևոն Արոնյանի հարցազրույցը haqqin.az-ին

Հայ գրոսմայստեր Լևոն Արոյանյանն այս օրերին Թբիլիսիում մասնակցում է Աշխարհի գավաթի խաղարկությանը:

Շախմատիստը հարցազրույց է ունեցել haqqin.az-ի հետ:

Ստորև ներկայացնում ենք հարցազրույցից մի հատված:

Արոնյանը, խոսելով Շաքրիար Մամեդյարովի մասին, նշել է, որ մեծ հարգանք է տածում շախմատիստի նկատմամբ.

«Մանկուց  լավ հարաբերությունների մեջ եմ Շաքրիար Մամեդյարովի  հետ: Հասկանալի է, որ կան խնդիրներ: Դու չես կարող բաց շփվել: Գիտեմ, որ ձեզ համար դա խնդրահարույց է: Բայց Շաքրիարին վերաբերվում եմ  հատուկ հարգանքով: Միշտ հավանել եմ իր ոճը, թե ինչպես է նա խաղում:  Երկուսս էլ ակտիվ խաղում ենք հաղթանակի համար: Սովորաբար երկրպագում եմ Շաքրիարին»:

Խոսելով 2015թ.-ին  Բաքվում կայացած Աշխարհի գավաթի մասին, հայ շախմատիստն ասել է.

«Բարդ էր, այդ թվում նաև հոգեբանորեն, քանի որ  չէինք կարող հանգիստ զբոսնել: Ինքս շփվող մարդ եմ, սիրում եմ ազատություն ունենալ և ինչ-որ տեղ գնալ: Հուսով եմ, որ կգա ժամանակ՝  բաց կկարողանանք մեկս մյուսի մոտ շփվել»:

Հարցին՝ մի քանի տարի առաջ, երբ  հավակնորդների մրցաշարը Բաքվում անցկացնելու մեծ հավանականություն կար, Արոնյանը հայտարարել էր , որ չէր ցանկանա խաղալ Ադրբեջանում։ Բաքվում լինելուց հետո նրա կարծիքը փոխվե՞լ է, մարզիկը պատասխանել է.

«Ադրբեջանում խաղալը  բավականին բարդ է: Շախմատը ստեղծագործական սպորտ է և դու չպետք է ծանրաբեռնես քեզ ավելորդ մտքերով: Զբոսնել գնալուց առաջ մենք պետք է զանգեինք, սպասեինք կես ժամ: Դա, իհարկե, մեծ խնդիր է: Երազում եմ այն մասին, որ գա ժամանակ, երբ  հնարավոր կլինի Բաքվում  ազատ զբոսնելը»: